Adından da göründüyü kimi payız üçün ən ideal və ləzzətli yeməklərdən biri olan payız supu resepti. Hazırlamaq üçün lazım olan ərzaqlar.

Toyuq filesi – 200 qr

Qırmızı və yaşıl bibər – hərəsindən 1 ədəd

Baş soğan – 1 ədəd

Pomidor – 1 ədəd

Kök – 1 ədəd

Kartof – 1 ədəd

Badımcan (xırda) – 2 ədəd

Zeytun yağı

Şüyüd, keşniş – ½ hissə

Sarıkök, duz və istiot

Hazırlanma qaydası:

Toyuq filesi bişirilir, bulyondan çıxarılır xırda doğranılır. Kartof xırda doğranılır və bulyonda bişirilir. Baş soğan da xırda doğranılır, yağda qovrulur, üzərinə xırda doğranılmış kök, bibər, qabığı soyulmuş pomidor, duzlu suda acısı çıxarılmış badımcan əlavə edilib zeytun yağında yağa düşənə qədər qovrulur. Duz, istiot və sarıkök vurulur. Sonda tərvəz qovurması və toyuq filesi bulyona əlavə edilir bir az qaynadılır. Sonda üzərinə xırda doğranılmış göyərti əlavə edilir. Nuş olsun!

Android istifadəçiləri buradan saytımızın mobil tətbiqini endirə bilər:

https://play.google.com/store/apps/details?id=com.elitsolutions.leydi&utm_source=leydi.az