Bədən quruluşunuzu bilirsinizmi? Bu yazımızda bədən formanızı öyrənərək bəyənmədiyiniz yerləri incə toxunuşlar edərək görünməz edə bilərsiniz. Armud, tərs üçbucaq, düzbucaq, qum saatı, paxlava və oval formaları olmaq üzərə 6 fərqli bədən forması mövcuddur. Bədən formanızı tanımaq üçün sadə yollar var. Əgər siz də bədən formanızı tanıyıb və necə geyinməli olduğunuzu bilsəniz, sizi narahat edən nahiyyələrinizi asanlıqla gizlədə biləcəksiniz.

Armud formalı bədən tipi

Üst hissəyə nisbətən alt tərəf daha geniş olan bədən quruluşudur. Boyunları incə, uzun, sinələri kiçik, zərif və düzgün bel formaları var. Armud formalı bədən quruluşuna sahib olan məşhurlara misal olaraq Rihanna, Beyonce və Jennifer Lopezi göstərə bilərik.

Armud formalı bədən quruluşuna sahib olan xanımlar üçün geyim məsləhətləri.

Aksessuarları ön planda tutmalısınız. Sırğa, boyunbağı kimi aksessuarlar istifadə etmək hər zaman gözləri geniş hissələrdən uzaqlaşdıraraq üst hissəyə fikri cəmləyəcək. Dar geyimlər geyinməyin. Üst tərəfə geydiyiniz geyimlər əsasən rəngli və şəkilli olsun. Burda əsas nüans yuxarı hissənizin incəliyini ortaya çıxarmaqdır. Üst tərəfinizə çox geniş geyimlər də geyinməyin, əks təqdirdə sizi kök göstərəcək. Üst geyimləriniz çox da dar olmasın, amma üstünüzə oturan geyimlər olsun. Aşağı nahiyənizi gizlətmək üçün uzun ya da qısa olan köynək və pencəklər seçin. Hər zaman tünd rəngli şalvar və ətəklər seçin. Şalvarlarınızın çox dar və ya bol olmamağına fikir verin. Büzməli və yanları cibli şalvarlar geyinməyin. Qısa ətəklər geyinməyin. Dikdaban ayaqqabılar geyinərək ayaqlarınızı daha uzun və incə göstərə bilərsiniz.

Tərs üçbucaq formalı bədən tipi

Tərs uçbucaq formalı bədənlərin çiyinləri geniş, beli normal və aşağı nahiyəsi daha incə, ayaqları uzun olur. Bu bədən formasının ayaqları həqiqətən çox gözəl olur və sinələri həddən artıq cəzbedici olur. Bu bədən quruluşuna sahib olan məşhurlardan Angelina Jolie və Demi Mooreni misal çəkə bilərik.

Tərs üçbucaq formalı bədən quruluşuna sahib olan xanımlar üçün geyim məsləhətləri.

Hərəkətli və bəzəkli libaslardan uzaq durun. Əsasən çiyinləri ön plana çıxaran pencəklər geyinməyin. Cibli və gen formalı şalvarlara üstünlük verin. Aşağı nahiyənizə dar olan geyimlər seçməyin. Bunun əvəzinə aşağı nahiyəyə doğru genişlənən paltar və şalvarlar seçməlisiniz.

Düzbucaq formalı bədən tipi

Bu tip bədən formasında alt və üst hissələr demək olarki bərabərdir. Bu bədən quruluşuna sahib olan məşhurlara misal olaraq isə Cameron Diaz və Gwyneth Paltrowu göstərə bilərik.

Düzbucaq formalı bədən quruluşuna sahib olan xanımlar üçün geyim məsləhətləri.

Bu tip bədən formalarının mükəmməl çiyinləri olur. Qolsuz üst geyimləri geyinərək çiyinlərinizi vurğulamaqdan çəkinməyin. Bədəninizdə isə belinizi vurğulamaq üçün korset geyinə bilərsiniz. Yaxası V formalı olan geyimlər geyinərək boynunuzu daha incə göstərə bilərsiniz. Beli aşağıda olan şalvarlar əvəzinə aşağı hissələri fərqli olan ətəklər seçməlisiniz. Geyimlərinizdə kəmərdən istifadə etməyə çalışın. Uzun ətək geyinmək istəyirsinizsə, köynəklərinizi də uzun seçməlisiniz.

Qum saatı formalı bədən tipi

Qum saatı formalı insanlar xırda sümüklüdürlər və gözə çarpan belə sahib olurlar. Qövslü ombaları və düz ayaqları olur. Bu bədən quruluşuna sahib olan məşhurlar isə Sophia Loren və Halle Berrydir.

Qum saatı formalı bədən quruluşuna sahib olan xanımlar üçün geyim məsləhətləri.

Hərəkətli,rəngli və naxışlı geyimləri seçməməlisiniz. Kəmər istifadə edə bilərsiniz. Əsasən belinizin incəliyini vurğulamaq üçün büzməli parça və dəridən olan kəmərlərdən istifadə edə bilərsiniz. Şalvar seçərkən beli aşağıda olan növlər olmasına fikir verin. Üst tərəfə geydiyiniz geyim nə uzun, nə də qısa olmamalıdır. Bu geyimlərin bədəninizə oturan olmasına diqqət edin. Sizə böyük olan və geniş geyimlər seçməməlisiniz.

Paxlava formalı bədən tipi

Paxlava formalı bədənlər ilə armud formalı bədənlərin xarakteristikası bir-birinə oxşasa da, ikisini bir-birindən ayıran xüsusiyyət paxlava formalı bədənlərin qövüslü formaya sahib olmasıdır. Alt hissəyə nisbətən üst hissə daha incədir. Bu bədən quruluşuna sahib olan məşhurlardan Cathrine Zeta Jones və Salma Hayekin adını deyə bilərik.

Paxlava formalı bədən quruluşuna sahib olan xanımlar üçün geyim məsləhətləri.

Şalvar seçərkən cibli və xüsusən də arxasında heç bir detalı olmayan sadə şalvar seçməlidirlər. Pençək geyindiyinizdə aşağı hissəsinin enli və geniş olmasına nəzər yetirin. Pencəyin altından geydiyiniz köynək əyninizə oturan olmalıdır. Sizin bədəninizi ən yaxşı göstərən rəngli və parlaq tonlardır. Bununla yanaşı, qatqat ətəklərdən uzaq durmaılsınız. Bol paltarlar seçsəniz bədəninizi gizlədib ayaqlarınızı ön plana çıxara bilərsiniz.

Oval formalı bədən tipi

Həddindən artıq böyük sinəyə malik, aşağı nahiyələr yumru və uzun incə ayaqlara sahib bədən formasıdır. Bədən formaları arasında ən ideal ayağa sahib olan formadır. Bu da o deməkdir ki, əsas ön planda ayaqlarınız olmalıdır. Bu bədən quruluşuna sahib olan məşhurlar Elizabeth Hurley və Kate Winsletdir.

Oval formalı bədən quruluşuna sahib olan xanımlar üçün geyim məsləhətləri.

Boynunuzu incə göstərmək üçün V yaxalı üst geyimləri seçərək gözəlliyinizə gözəllik qata bilərsiniz. Yuxarı nahiyənizə çox dar geyimlər geyinməyin. Gözləri ayağınıza yönəltmək istəyirsinizsə, uzun köynəklər geyinməlisiniz. Boyundan bağlanan və boş olan geyimlər seçərək mükəmməl bir görünüş əldə edə bilərsiniz. Açıq və incə xətləri özündə əks etdirən geyimlər seçimləriniz arasında olmalıdır. Cibləri çox olan şalvarlar və qısa ətəklər də geyinə bilərsiniz. Çox dar və kəmərli geyimləri qarderobunuzdan çıxardıb atın.