Artıq Son Zəng gününə çox az bir müddət qalıb. Əgər hələ də geyim seçimi etməkdə çətinlik çəkirsinizsə, onda məqaləmiz köməyinizə çatacaq.

Əlbəttə məzuniyyət gecəsində bütün qızlar gecənin ən gözəl xanımı olmaq istəyir. Elə buna görə də geyim seçimi etməkdə çətinlik çəkirlər. Geyim çeşidinin çox olması isə bu seçimi daha da çətinləşdirir. Ancaq kiçik bir nüansa diqqət etməklə gecənin ən gözəl qızı siz ola bilərsiniz. Söhbət özünüzə ən çox yaraşan geyimi seçməkdən gedir. Seçim zamanı öz bədən quruluşunuzu tanımaq sizin köməyinizə çatacaq. Belə ki, vitrində möhtəşəm görünən bütün geyimlər sizə yaraşacaq deyə bir şey yoxdur. Buna görə də kefinizi pozmağa dəyməz, özünüzə yaraşan başqa bir libas ilə başqalarından daha gözəl görünə bilərsiniz.

İlk olaraq çalışın ki, içərisində özünüzü rahat hiss edə biləcəyiniz bir geyim geyinəsiniz. Bu zaman siz özünüzü xoşbəxt və pozitiv hiss edəcəksiniz. Çalışıb əlvan rənglərə üstünlük verin, beləcə solğun da görünməzsiniz.

Geyim seçərkən diqqət etməli olduğunuz digər bir məqam isə şənliyin harada keçiriləcəyidir. Şənliyin keçiriləcəyi məkana və saata uyğun geyim seçməlisiniz. Çanta və ayaqqabılarınızı geyimə uyğunlaşdırmaq da vacib məqamlardan biridir.

Əgər bir bal gecəsi təşkil olunubsa, əlbəttə oraya klub üçün seçilmiş geyimdə getmək düzgün deyil. Bu incəliklərə diqqət etmək çox vacibdir.

Biz də öz növbəmizdə seçiminizi asanlaşdırmaq üçün müxtəlif məkanlara uyğun geyim nümunələrini sizlərə təqdim edirik.

Geyim nümunələri "Merbi Boutique"ə məxsusdur. Siz də seçiminizi "Merbi Boutique"dən edərək endirimlərdən də yararlana bilərsiniz.