Qəbizlik; tibbi dildə bağırsaq tənbəlliyi kimi izah edilir. Bəzən yediklərimizin də təsiri ilə həzm sistemimizdə qəbizlik yarana bilər.
Qəbizliyin qarşısını almaq üçün etməli olduqlarınız:
- Birdən-birə və çoxlu yemək yemək bağırsaqların iş qaydasını pozduğu üçün qəbizliyə səbəb ola bilər, bu səbəbdən az-az və tez-tez yemək yeyilməsi daha məqsədə uyğundur.
- Səhər yeməkdən əvvəl bol miqdarda su içməlisiniz.
- Gün ərzində 2-3 litr maye qida qəbul etməlisiniz. Qidaların daha asan həzm olunması üçün yaxşıca çeynəmək lazımdır.
- Qəbizliyə səbəb olan şəkər və şəkərli qidalardan uzaq olmağa çalışın.
- Qızartma, qovurma kimi yeməklər qəbizliyi artırdığı üçün mümkün olduqca az yeyilməlidir.
- Yoqurt olaraq prebiyotik olanlara üstünlük verməlisiniz.
- Qəbizliyin qarşısını almaq üçün çoxlu yerimək vacibdir.
- Evdə ayaqlarınızı qarnınıza doğru 15 - 20 dəfə çəkib, irəli itələmək kimi idman hərəkətləri də qəbizliyə faydalı olacaq.
- Gavalı, ərik qurusu, üzüm kimi meyvələri yeməklə yanaşı, kompotunu da hazırlayıb, içə bilərsiniz. Qəbizliklə mübarizə zamanı xüsusilə, səhər su içdikdən sonra 4 - 5 ədəd ərik qurusu yemək tövsiyə olunur.
- Qazlı içkilər və qəhvə qəbizlik yaratdığı üçün istifadəsini azaltmalısınız.
- Bağırsaqlarınızı tənbəlləşdirməmək üçün bitki çaylarını çox istifadə etməyin. Həftədə 1 - 2 stəkan içə bilərsiniz.
- Ən təsirli tədbir isə lif tərkibli qidalar qəbul etməkdir.
