İsti ayların gəlməsi ilə birlikdə suya olan təlabatımız da artır. Bəs içdiyiniz suya limon əlavə edib, içməyi sınamısınızmı? 

 

 

Xüsusilə, iqlim dəyişdiyi vaxtlarda orqanizm viruslara məğlub olur və soyuqdəymə, qrip, boğaz ağrısı kimi problemlər yarana bilir. C vitamini baxımından zəngin olan limon, bədən müqavimətini artırır və immunitet sistemini gücləndirir. Beləliklə, mikroblarla mübarizə aparmağa kömək edir.

 

 

Limon ən yüksək qələvilik səviyyəsinə malik qidalardan biridir. Tərkibində olan limon turşusu həzm edildikdə turşuluq yaratmır və qandakı PH səviyyəsini balanslaşdırır.

 

 

Su, sağlam bir dəri üçün çox əhəmiyyətlidir. Limonlu suyun da dəri üçün faydası böyükdür. Antioksidan xüsusiyyəti sayəsində dəridəki ləkələri azaldır, qırışların qarşısını almağa kömək edir. Hər gün limonlu su içərək dərinizi toksinlərdən təmizləyə bilərsiniz.

 

 

Limonlu su tərkibindəki vitaminlər sayəsində sağlamlığa müsbət təsir göstərir. Lİmonlu su həm də kalium mənbəyidir. Banan yeyə bilmirsinzsə, limon suyundan faydalana bilərsiniz. Çünki, kalium 

ürək, sinir və beyin funksiyalarının müntəzəm işləməsi üçün vacibdir. Bundan başqa, limonlu suda kalori və şəkər banana nisbətən daha azdır.

 

 

Limon təravətləndirici tərkibə malikdir. Limonlu su da nəfəsi təravətləndirir və ağız qoxusunun qarşısını alır. Eyni zamanda, limonlu su diş əti iltihablarına və diş ağrılarına da müsbət təsir göstərir. Amma, limonun dişlərlə birbaşa təması dişlərin mina qatnın zədələnməsi ilə nəticələnə bilər.

 

 

Müntəzəm olaraq limonlu ilıq su içmək mədədə turşuluq səviyyəsini nizamlayır. Mədədə turşuluq səviyyəsi yüksək olduğunda davamlı olaraq bir şey yeyərək aclıq hissindən qurtulmaq istəyəcəksiniz. Bu da kökəlməyə səbəb olur. Bunun qarşısını almaq üçün limonlu sudan faydalana bilərsiniz. Bundan başqa limonun tərkibində olan pektin lifi  uzun müddət toxluq hissi verir.