- Hamiləlikdə qazandığım çəkidən necə azad olacağam? Uşaq dünyaya gəldikdən sonra 4-5 kiloqram öz-özünə verilir və bədən 6 ay ilə 1 il arasında əvvəlki halına qayıdır. Süd verən zaman südün artması üçün şirniyyat əvəzinə bol miqdarda maye qəbul edilməlidir. Hamiləlik dövründə yox, süd vermə zamanı qazanılan çəkinin çətin itirildiyi unudulmamalıdır.
- Hamiləlik zamanı hansı vitaminləri qəbul etmək lazımdır? Hamiləlik planlaşdıran ana namizədləri həkim nəzarətində Fol turşusu qəbul etməyə başlayır. Bu vitamin həm körpəni bəzi əlilliklərdən qoruyacaq, həm də anada qanın yaranmasında rol oynayacaq. Hamiləlik irəlilədikcə ananın Dəmir ehtiyacı da artır, bu səbəbdən də Dəmir əlavəsi verilir. Dəmir qəbulu az olan analarda qansızlıq və hamiləlik sonrası saç tökülməsi problemləri yaşanır. Həmçinin Kalsium, Maqnezium, Omega 3 də həkimin məsləhət gördüyü həftələrdə qəbul edilməlidir.
- Hamiləlik müddətində dərman istifadə edə bilərəmmi? Epilepsiya, təzyiq, revmatizm kimi xroniki xəstəlikləri olan ana namizədlərinin davamlı şəkildə istifadə etməli olduğu dərmanlar ola bilər. Gün ərzində qəbul ediləcək dərmanların vaxtını mütləq həkimlə məsləhətləşmək lazımdır. Həmçinin hamiləlikdə ağrıkəsici və ya antibiotik istifadəsi də həkim nəzarətində olmalıdır.
- Körpəmin hərəkətlərini nə vaxt hiss edəcəyəm? İlk hamiləlikdə, adətən, 18-ci həftədən sonra, ikinci hamiləlikdə isə 15-16 həftədən sonra körpənin hərəkətləri hiss edilir. İlk hərəkətlər səyirmə kimidir, körpə böyüdükcə hərəkətlər daha çox hiss edilir. Anaların yorulması, üzüntülü yerlərdə olması və ya yaxşı qidalanmamaları körpənin hərəkətlərinin azalmasına səbəb olur.
- Səyahət edə bilərəmmi? Normal davam edən, heç bir tibbi problemin olmadığı hamiləliklərdə 34-cü həftəyə qədər səyahət etməkdə heç bir problem yoxdur. Maşınla edilən səyahətlərdə tez-tez fasilə vermək və fasilələrdə hərəkət etmək lazımdır. Hamiləliyin 34-cü həftəsindən sonra maşın sürmək təhlükəli ola bilər.
«Bəyən» düyməsinə bas və Leydi.az xəbərlərini Facebook səhifəndə oxu!
-431.png "Hamiləlikdə neçə kilo alınmalıdır?")
