Hər gün davamlı şəkildə gəzintiyə çıxmaq çəki atmağınıza kömək edə bilər. Əvvəlcə həftədə 3 gün 15-20 dəqiqə gəzərək başlayın. Sonra addım-addım müddəti uzadaraq həftənin hər günü 30-60 dəqiqə gəzinti edə bilərsiniz. Bunu davamlı olaraq uzun müddət ərzində etdiyiniz zaman hər hansı diet proqramına və ya məşqə ehtiyac olmadan arıqlaya bildiyinizi görəcəksiniz. Gəzinti zamanı dik durmaq və çənənizi qaldırıb irəliyə doğru baxmaq daha asan və rahatdır.

Bu idmana başlamaq qədər davam etdirmək də vacibdir. Bəzi insanlar üçün hər gün eyni saatda eyni işi görmək bir az sıxıcı ola bilər.

Bu addımlardan istifadə edərək gəzintini daha maraqlı hala gətirə bilərsiniz:

- Bəzən fərqli yerlərdə gəzin. Fərqli ərazilərdə və ya parklarda gəzintiyə çıxmaq sizin üçün daha maraqlı ola bilər.

- Gəzinti zamanı sevdiyiniz musiqini dinləyin. Beləcə enerjinizi yüksəldib, daha çox motivasiyaya sahib ola bilərsiniz.

- Qış aylarında havanın soyuq olması sizin üçün bir əngəl təşkil etməməlidir.

- Bəzi günlər sizinlə gəzintiyə çıxması üçün ailənizdən birini, ya da bir dostunuzu dəvət edin. Bu, gəzintini sizin üçün sıxıcı olmaqdan çıxarar.

- Gəzintini mümkün qədər özünüzə əyləncəli hala gətirmək üçün əlinizdən gələni edin.

Gəzintiyə çıxa bilmədiyiniz günlər üçün bəzi məsləhətlər:

- Maşın və ictimai nəqliyyatdan hər gün istifadə etməyin. İşə və ya dərsə ayaqla gedib-gəlməyi və ya yolun bir hissəsini ayaqla getməyi sınayın.

- Maşınınızı gedəcəyiniz yerin düz yanında deyil, bir az uzaq bir yerdə saxlayın. Beləcə daha çox addım atmağa məcbur olacaqsınız.

- Adətən lift yox, pilləkənlərdən istifadə edin.

- Uşaqları dərsə apararkən piyada gedin.