Depressiya həyatımızın bir çox sahələrində üzləşə biləcəyimiz ciddi problemdir. Sosial həyatımızı, münasibətlərimizi, karyeramızı, məqsədlərimizi, həfəd və özünə dəyər duyğularımızı təsiri altına ala bilir. Xüsusilə də qadınlar üçün depressiya daha yayğındır. Aparılan araşdırmalar göstərir ki, hər səkkiz qadından biri həyatı boyunca bir nöqtədə depressiya yaşayacaqdır.

Əgər özünüzü bədbəxt, günahkar, bitkin, sıxıntılı hiss edirsinizsə, major depressiyadan əziyyət çəkirsiniz deməkdir. Lakin, yaxşı xəbər odur ki: depressiya müalicə oluna bilən problemdir. Və depressiyanın qadınlar üzərindəki təsiri, yarada biləcəyi problemlərin fərqinə varmağı, bu problemlə daha yaxşı mübarizə apa bilməyi əhatəsində yardımçı olmaq mümkündür.

Depressiyanın simptomları qadınlara və kişilərə görə eyni olsa da, bəzi simptomlar sırf qadınlara məxsus yaşanılır. Hətta bu simptomlara gözlənilənin əks forması kimi də rast gəlinir, məsələn: gözlənilən az yatmaq, az yemək, arıqlamaq əlamətlərinin əksinə, bəzi qadınlarda hədsiz yuxu, çox yemək (xüsusilə karbohidratlar) və şişmanlama kimi hallar müşahidə olunur.

Qadınlarda və kişilərdə depressiyanın təzahür fərqləri:

Qadınlarda
1. Özünü günahlandırma
2. İntensiv kədər hissi
3. Özlərini çarəsiz və köməksiz hissi
4. Daha çox yatmaq, yuxululuq
5. İştah və çəki artması
6. Daha çox intihara təşəbbüs
7. Qayğı və qorxu hissinin artması
8. Dəyərsizlik hissi
9. Özgüvən əksikliyi

Kişilərdə
1. Başqalarını günahlandırma
2. Alkoqol istifadəsində artma
3. İştah və çəkidə azalma
4. Yuxu azalır
5. Daha aqressiv olma
6. Ölümlə nəticələnən intihar təşəbbüsləri 

7. Daha çox riskə girmə
8. Emosional idarəni itirmə
9. Ani əsəb reaksiyalarında artış    

 

Psixoterapevt Şəbnəm Sadıqova