Yaz aylarında biz də uşaqdan böyüyə hər kəsin sevimlisi olan alça haqqında yazmaq istədik. Alçanın faydaları nələrdir, hansı xəstəliklərə yaxşı təsir edir və necə yeyilməlidir? Bu barədə ətraflı məlumatı məqaləmizdən oxuya biləcəksiniz.

Alçanın faydaları

Kalsium çatışmazlığına, qəbizliyə və həzm sisteminə müsbət təsir göstərir. Qan azlığını və sinir sistemini nizamlayır. Antioksidant təsiri ilə xərçəngdən qoruyur və dərini gözəlləşdirir. Problemli dəriləri olanlara alça yemək tövsiyə olunur və dərini cavanlaşdırır. Əsasən ürək-damar xəstəlikləri, xolesterol və damar tıxanıqlığına alça tövsiyə olunur. Uşaqlarda olan böyümə problemlərində və buna bənzər problemlərdə alçanın müsbət təsiri var. Yaz aylarında pəhrizdə olanlar üçün əvəzolunmaz və sərinləşdirici qidadır.

Alçanı duzsuz yeyin

Alçanı duza batıraraq yemək su yığılmasına və şiş (ödəm) yaranmasına səbəb olur. Buna görə də artıq çəki ala bilərsiniz. Alça kompotu hazırlayıb içmək ana südünü artıracaq və qəbizliyi aradan qaldıracaq. Alça şəkərli diabet xəstələrində şəkərin sabitləşməsində və aşağı salınmasında çox təsirli vasitədir. Əsasən yaz aylarında 200 qrama yaxın yeyə bilərsiniz.