Acı sevən qonaqlarınız üçün ləziz yemək hazırlamaq istəyirsinizsə, acılı toyuq qanadı ideal seçimdir.

Ərzaqlar:

1 kq toyuq qanadı,

1 stəkan duru yağ,

2 xörək qaşığı qatıq,

3 xörək qaşığı ədviyyat qarışığı,

1 xörək qaşığı bibər püresi,

500 qr dilimlənmiş kartof,

Duz.

Hazırlanması:

Bir stəkan yağ, 2 xörək qaşığı qatıq, 3 xörək qaşığı ədviyyat qarışığını və acı bibər püresini qarışdırın. Həmin bu qarışığı toyuq qanadlarına sürtüb, soyuducuda 2-3 saat gözlədin. Vaxt tamam olduqdan sonra qanadların hər iki tərəfini də qızardın. Digər tərəfdən də yapışmayan tavada kartofları qızardın. Bəzəyib, ikisini də süfrəyə verin.