Vəsaitlər:

1 Su stəkanı buğda,

1 Bütün toyuq,

12 Su stəkanı su,

1 Kasa konserv noxud,

1 Kərəviz,

1 Kök,

1 Budaq təzə soğan,

4-5 Budaq cəfəri,

2 Şorba qaşığı pomidor pastası,

1 Şorba qaşığı duru yağ,

4 Qarabibər dənəsi.

Hazırlanması:

Buğdanı yuduqdan sonra geniş bir qaba qoyun. Üzərini keçəcək qədər su əlavə edib yumşalması üçün bir neçə saat gözlədin. Kərəviz, kök və təzə soğanı soyub yuduqdan sonra kiçik kublar halında doğrayın. Kərəvizin yarpaqlarını incə-incə doğrayın. Toyuğu təmizləyib bütün olaraq qazana qoyun. Doğradığınız tərəvəzləri əlavə edin. 12 su stəkanı su, duz və qara bibər dənələrini əlavə edərək bir saat qədər bişirin. Toyuq bişdikdə qazandan çıxarıb bir qaba qoyun. Qazanda qalan suyunu qaynadıb noxud, buğda və pomidor suyunu əlavə edin. 50 dəqiqə qədər bişirin. Toyuğun ətlərini sümüklərdən ayırıb incə lentlər halında kəsin. Şorbanın bişməsinə yaxın toyuq ətlərini əlavə edin. İncə doğranmış cəfəri, duz, qara bibər və zeytun yağı əlavə etdikdən sonra bir az da qaynadıb isti olaraq süfrəyə verin.