Artıq yay aylarına keçid etmək üzrəyik. Əgər siz də şokolad, dondurma və şirniyyatı sevənlərdənsinizsə, bu resept sizin üçündür!
Ərzaqlar:
- 3 yumurta,
- 50 qram şəkər tozu,
- 100 qram “bitter” şokolad,
- 100 qram südlü şokolad,
- 200 qram kərə yağı,
- 40 qram un,
- 25 qram kakao,
- Üstü üçün şokolad sousu,
- Arası üçün dondurma.
Hazırlanması:
- Yumurta və şəkər tozunu dərin bir qabda mikser ilə çırpın.
- “Bitter” şokoladı əridib, içinə kərəyağı əlavə edin və qarışdırın. Soyuması üçün kənarda gözlədin.
- Un və kakaonu qarışdırıb, yumurta və şəkər tozuna əlavə edin. Yenə yaxşıca qarışdırın.
- Soyuması üçün gözlətdiyiniz şokoladlı qarışığı əlavə edib, qarışdırmağa davam edin.
- Südlü şokoladı qırıb, içinə əlavə edin və qarışdırın.
- Keks qarışığını yağlı kağız sərilmiş bişirmə qabına tökün. Əvvəlcədən isidilmiş 180 dərəcəlik sobada 30-35 dəqiqə bişirin.
- Soyuyan keksi ortadan ikiyə bölün. Arasına dondurma qoyub, üstünü kekslə örtün.
- Şokoladlı sous ilə ilıq şəkildə süfrəyə verin.
Nuş olsun!
